Tryggvi Sveinbjörnsson

Við uppsetningu rafrænna skilríkja á Apple ætti fólk fyrst að setja upp Firefox vafra. Síðan, prufa að opna System Preferences og velja þar þar General flipann. Opna þar Security & Privacy og velja: Allow applications from Anywhere. Þá þarf væntanlega að opna lásinn neðst vinstramegin og til þess þarf lykilorðið að tölvunni.
Þá ætti að vera auðvelt að setja upp forrit fyrir rafræn skilríki á Apple tölvunni.
Það má breyta þessu aftur eins og það var á tölvunni þegar forritið hefur verið sett upp.

Mér finnst þau sem ráða málum gamla fólksins ekki gera sér nægilega grein fyrir því að við munum flest okkar eldast og verða gamalt fólk áður en við deyjum,  þau líka.                                             Það á að vera sjálfsagt að fólk haldi sjálfsvirðingu sinni, og fái aðstoð á sínum forsendum þegar þörf er á, en ég tel að aðstoð og þjónusta við gamla fólkið þurfi að vera mun sveigjanlegri en verið hefur.

 

	Staða Alberts óbreytt
Ábyrgðarmaður færslu Tilkynna um óviðeigandi tengingu við frétt

Mér finnst þessar auglýsingar minna einna helst á ástandið sem ríkti hjá okkur síðustu árin fyrir hrun, þegar bankar og lánastofnanir reyndu eins og hægt var að fá fólk til að taka lán sem litu út fyrir að vera mjög hagstæð, en annað kom nú á daginn. Vextir þessara lána eru mjög háir eins og fram kemur í greininni og ég ætla ekki að hafa skoðun á þeim hér, en fólkið sem tekur slík lán út af peningaleysi er mér ráðgáta. Jólin koma og líða hjá eins og þau hafa gert í rúm 2000 ár og það skiptir engu máli hvort maður tók okurlán fyrir rándýrum jólagjöfum eða lét sér duga aðeins minna af veraldlegu dóti, og áhyggjum.

	Ekki taka lán fyrir jólunum
Ábyrgðarmaður færslu Tilkynna um óviðeigandi tengingu við frétt

Eftir að hafa heyrt viðtal við Bryndísi Guðmundsdóttur um hávaða á leikskólum, bregður manni sannarlega að hafa heyrt þær niðurstöður sem hún greindi frá. Að sjö ára börn séu farin að fá eyrnasuð (tinnítus) er eitthvað sem fólk á ekki að þurfa að sætta sig við. Ég tel að rangt hannaðar byggingar séu stór ástæða þess að hávaði á leikskólum, svo og öðrum vinnustöðum, og jafnvel heimilum er fyrir ofan hættumörk. Ein leið til að draga úr endurkasti hljóðs er að hafa veggi hornskakka og loft hallandi, en þá ná hljóðbylgjurnar ekki að endurkastast, á milli tveggja samliggjandi flata og búa þannig til bergmál. Steinull (þéttull) er oft notuð til að einangra loft og veggi, og er einnig mjög góð til að dempa hljóð. Oftast er síðan klætt innan á steinullina með hörðum og sléttum plötum sem skapa endurkast, þannig finnst mér að fólk hugsi ekki nægilega um hljóð umhverfi þegar valin eru klæðningarefni innan á veggi, upp í loft og á gólfin, en þau skipta mestu máli til að ná fram þægilegu hljóðumhverfi.

Mér finnst margt óljóst í þessu máli, eins og af hverju þarf Huang Nubo að kaupa risastórt landflæmi undir ferðaþjónustu á Íslandi? Af hverju var ekki nóg fyrir hann að kaupa lóð undir byggingar og önnur mannvirki sem þessu tengjast? Hefði leiga til langs tíma getað komið til greina? Hefðu Íslensk stjórnvöld hugsanlega getað náð einhverju samkomulagi við þessa fjárfesta sem sátt hefði verið um hér á Íslandi? Eins og sjá má hef ég ekkert annað fram að færa en spurningar í þessu máli og finnst rétt að það sé skoðað vel frá öllum hliðum. Svo finnst mér að það hefði jafnvel mátt kynna þetta betur áður en ákvörðun innanríkisráðherra lá fyrir.

	Huang snýr sér til Finnlands og Svíþjóðar
Ábyrgðarmaður færslu Tilkynna um óviðeigandi tengingu við frétt