Var ákvörðun innanríkisráðherra röng?

Mér finnst margt óljóst í þessu máli, eins og af hverju þarf Huang Nubo að kaupa risastórt landflæmi undir ferðaþjónustu á Íslandi? Af hverju var ekki nóg fyrir hann að kaupa lóð undir byggingar og önnur mannvirki sem þessu tengjast? Hefði leiga til langs tíma getað komið til greina? Hefðu Íslensk stjórnvöld hugsanlega getað náð einhverju samkomulagi við þessa fjárfesta sem sátt hefði verið um hér á Íslandi? Eins og sjá má hef ég ekkert annað fram að færa en spurningar í þessu máli og finnst rétt að það sé skoðað vel frá öllum hliðum. Svo finnst mér að það hefði jafnvel mátt kynna þetta betur áður en ákvörðun innanríkisráðherra lá fyrir.

Huang snýr sér til Finnlands og Svíþjóðar

Athugasemdir

[Gísli Sigurðsson, 26.11.2011 kl. 17:32]

Eins og fram kemur í fréttinni var honum boðið landið til kaups af eigendum þess, hvernig svo sem það hefur komið til. Honum var ekki boðið það til leigu þannig að það var aldrei inni í myndinni. Éinhvernv veginn lítur þetta út sem einhver pissukeppni milli Samfylkingar og Vinstri grænna, eða jafnvel Ögmundur vs Steingrímur. Eins og Ögmundur hefur talað um þetta frá fyrsta degi og aldrei gefið Nubo kost á að skýra sitt mál, þá stóð aldrei til að veita þessa undaþágu sem vissulega er heimild til. Þetta lítur þannig út fyrir mér að Ögmundur hafi gefið sér niðurstöðuna fyrst og síðan var afgreiðsla embættismannanna unnin út frá henni.

[Tryggvi Sveinbjörnsson, 26.11.2011 kl. 18:00]

Það er nú enmitt málið að geta sest niður og fundið lausnir og niðurstöður, sem ég held að hefði verið hægt ef vilji hefði verið fyrir hendi. Ég hefði verið sáttari við þetta ef hann hefði fengið það sem hann þurfti undir þessa starfsemi ef þetta landflæmi hefði ekki allt þurft að fylgja með.

[Hreinn Sigurðsson, 27.11.2011 kl. 00:51]

Já hún var röng