Íslendingar og evran

Mér finnst merkilegt hversu mikla áherslu margir leggja á að Ísland gangi í Evrópusambandið, núna þegar Evrópusambandsríkin virðast eiga í erfiðleikum með að halda evrunni stöðugri. Við verðum sannarlega að vona að þeim takist að forða sér frá stóráföllum og halda stöðugleika í efnahagsmálum sínum. Samt verður því ekki neitað að fréttaflutningur af vandamálum evruríkjanna minnir svolítið á fréttaflutninginn sem var hjá okkur á Íslandi síðustu mánuði fyrir hrun. Það er talað um björgunarpakka og lánalínur þegar aðalvandamálið virðist vera of mikil skuldasöfnun sem þarf að vinda ofanaf með einhverjum hætti, og virðist mér sem niðurskurður og skattahækkanir séu þau meðul sem helst verða notuð eins og hjá okkur íslendingum. Að mínu mati er kannski aðalmálið að vera með arðbæra og fjölbreytta framleiðslu til útflutnings og heimabrúks og ná þannig jákvæðum viðskiptajöfnuði við útlönd. 

Athugasemdir

[Kristján B Kristinsson (IP-tala skráð) 6.12.2011 kl. 09:16]

 þetta er nákvæmlega málið það sem þú endar þína grein á, niðurskurðurinn og samdráttur gerir ekkert annað en að minnka umsvifin og tekjur ríkjanna og leiða til samdráttar sem aftur leiðir til þess að þau geta ekki borgað skuldir sínar þá er hafinn spírallinn niður sem ekki er auðvelt að snúa við.